وانا من كتر القلق قلقت وانا أصلا مش قلقاانة..

القلق هو الشئ الوحيد المقبول فى تلك المرحلة

وهى الصفة التى تطمن أهلك ومن يهتمون لأمرك أنك بخير وكامل قواك العقلية ..كده او يقلقوا

وهى السمة التى لابد وان ترافق الطلبة المتميزين الحريصين على مستقبلهم

وكأى بنت طبيعية داخلة ملحمة الثانوية العامة كان لازمن اقلق ...:)

..............................................................................

أشعر مع كمية القلق الى بتدلدق من كلام الناس والتربص الى فى عيونهم ..وكأن الكلية هى هدف بحد ذاته

وبننسى ان مهما كان المجموع الى حصلناه ..والكليه الى دخلناها ده مش مقياس ابداا عشان نحكم على نفسنا بالفشل او النجاح

المهم هو مابعد الكلية..هو الهدف الى أكبر من الكليه

خليينا نتفق على حاجة...احنا هنذاكر وهنجتهد ونبذل مجهودنا ..بس لو مجاش الى احنا كنا عايزينه يبقى مكانش الخيير لينا..

وياااارب افتكر الكلمتين دوول على طول وابطل قلق..